ՔՊ-ի «լռակյաց» պատգամավորները. Տաթևիկ Գասպարյան

Շարունակելով ընթերցողների ուշադրությանը ներկայացնել իշխող ՔՊ կուսակցության խորհրդարանական ֆրակցիայի ամենալռակյաց պատգամավորներին՝ այսօր կանդրադառնանք Տաթևիկ Գասպարյանին:

Ակնհայտ է, որ եթե ինչ-որ ոլորտում Գասպարյանի մոտ պատգամավորական գործունեության ծավալելուց հետո փոփոխություններ են արձանագրվել, ապա դա անկասկած սոցաիալական և ֆիանանսական ոլորտն է: Բանն այն է, որ մանդատը ստանձնելիս Գասպարյանը պաշտոնապես հայտարարագրել էր ընդամենը 2,000,000.00 դրամ: Արդեն այս տարվա դրությամբ նրա եկամուտները կազմել են  10,869,802.00 դրամ, ավելին՝ հայտարարգրում է հայտնվել նաև 2001 թվականին որպես ժառանգություն ստացված հողամասը: Գասպարյանի բանկային հաշվի մնացորդը այս տարվա դրությամբ կազմում է 533,714.00 դրամ:

ԱԺ բոլոր նստաշրջանների ընթացքում Տաթևիկ Գասպարյանը կողմ է քվեարկել 208 անգամ,  բացակայել է 44 անգամ, տվել է 0 հարց, ունեցել 0 ելույթ և հանդես է եկել ընդամենը մեկ օրենսդրական նախաձեռնությամբ:

ԱԺ նիստերի ընթացքում պասիվության դրսևորած Գասպարյանը բավական ակտիվ էր հատկապես Արցախին վերաբերվող զեկույցների քննարկումների ժամանակ և մոլեռանդորեն հիմնավորում էր, թե ինչպես է Արցախը խոչընդոտել Հայաստանի զարգացմանը, որ հարևանների հետ չի կարելի թշնամական հարաբերություններ պահպանել, թե ինչպես աշխարհի շատ ժողովուրդներ զարգանալու համար հրաժարվել են հետ նայել:

Գասպարյանը նաև հայտնվել է ներթիմային ինտրիգների կիզակետում: Վարչապետի տիկնոջ՝ Աննա Հակոբյանի նախաձեռնած հանդիպումը որդեկորույս մայրերի հետ, բացի հասարակության բուռն քննարկման առարկան դառնալուց, նաեւ հենց իշխանության ներսում է կրքեր բորբորքել: Լրատվամիջոցների տեղեկություններով՝ իշխող «Քաղաքացիական պայմանագիր» խմբակցության տիկնայք քննարկել են, թե Հակոբյանն ինչպես, ինչ սկզբունքով է որոշել, թե վերոնշյալ հանդիպմանը ով պետք է մասնակցի: Եվ վերջիններս զայրացրել է այն հանգամանքը, որ Հակոբյանին մշտապես ուղեկցում են կամ Լենա Նազարյանը կամ Տաթևիկ Գասպարյանը, կամ էլ Լիլիթ Ստեփանյանը:

Հավելելով նշենք, որ Գասպարյանի միակ ելույթն էլ ոչ թե իր բուռն օրենսդրական գործունեությանն էր վերաբերվում, այլ Նիկոլ Փաշինյանի պաշտպանական ճառն էր։