Լավրովն անվանել է Ուկրաինայում «հատուկ գործողության» նպատակը

ՌԴ ԱԳ նախարար Սերգեյ Լավրովը հայտարարել է, որ Ուկրաինայում իրականացվող հատուկ օպերացիան ուղղված է «միջազգային իրավունքով Ռուսաստանի Դաշնության օրինական շահերի պաշտպանությանը»։ Այս մասին դիվանագետն ասել է դեկտեմբերի 1-ին կայացած մամուլի ասուլիսում, փոխանցում է РИА Новости-ն։

ՌԴ ԱԳՆ ղեկավարը ուշադրություն է հրավիրել այն փաստի վրա, որ արևմտյան լրատվամիջոցներն ու քաղաքական շրջանակները մեծ հետաքրքրություն չեն ցուցաբերել, թե ինչպես է Միացյալ Նահանգները «ռմբակոծել Իրաքը», ոչ այն պատճառով, որ իրաքցիներն արգելել են անգլերենը կամ ամերիկյան ֆիլմերը, այլ պարզապես այն պատճառով, որ փորձանոթ են վերցրել ու ասել, որ դա քիմիական զենք է, և ռմբակոծել են»։

«Եվ այն ոչ թե մի երկիր է, որը սպառնալիքներ է ստեղծել Միացյալ Նահանգների հետ սահմաններին, այլ ընդամենը 10 000 մղոն հեռավորության վրա: Գիտե՞ք՝ ինչու։ Որովհետև նրանց կարելի է»,- ասել է Լավրովը։

Նախարարն ընդգծել է, որ Ուկրաինայում Ռուսաստանի դեպքում «դա փորձ է պաշտպանել իրենց օրինական շահերը միջազգային իրավունքի, այլ ոչ թե ամերիկյան կանոնների համաձայն»։