Ադրբեջանի և Հայաստանի միջև հարաբերությունների կարգավորման հարցում մենք տեսնում ենք այլ խաղացողների կողմից այս գործընթացը խոչընդոտելու փորձեր. Լավրով
Համաշխարհային Մամուլ
«Ադրբեջանի և Հայաստանի միջև հարաբերությունների կարգավորման հարցում միջնորդական առաքելության հետ մեկտեղ մենք տեսնում ենք այլ խաղացողների կողմից այս գործընթացը խոչընդոտելու փորձեր»։ Այս մասին այսօր լրագրողների հետ հանդիպման ժամանակ հայտարարել է ՌԴ ԱԳ նախարար Սերգեյ Լավրովը։
Լավրովն ասել է, որ հիմա ոչ ոք չի հիշում Մինսկի խմբի մասին։ «Երբեմն Հայաստանում քաղաքական գործիչները հիշում են։ Ֆրանսիացիներն ու ամերիկացիները թաղեցին Մինսկի խումբը, մենք այստեղ մեղավոր չենք»,-ասել է Լավրովը:
«Մենք դրա հետ կապված որևէ խնդիր չենք ունեցել։ Հատուկ ռազմական գործողության մեկնարկից հետո Արևմուտքը Փարիզի ու Վաշինգտոնի բերանով պաշտոնապես հայտարարեց, որ չի համագործակցելու Ռուսաստանի հետ որեւէ ձևաչափով։ Այսպիսով, նրանք հայտարարեցին ԵԱՀԿ Մինսկի խմբի գործունեությունը դադարեցնելու մասին։ Ուստի, երբ մեր հայ գործընկերները ժամանակ առ ժամանակ վերհիշում են Մինսկի խումբը, մենք ասում ենք՝ սա մեր հարցը չէ, սա ԱՄՆ-ի և Ֆրանսիայի հարցն է, և, իհարկե, Ադրբեջանինը։ Որովհետև առանց Ադրբեջանի մասնակցության՝ ցանկացած միջնորդական ջանքեր անիմաստ են»,- ասել է Լավրովը։
Ամենադիտված 
Մնաս բարյավ. Րաֆֆի Հովհաննիսյան
