«Հայկական ժամանակ». Եթե պաշտոնյաները զանգերին չեն պատասխանում, ուրեմն՝ որսի են

Երեկ «Որսորդ» խանութի տնօրեն Վահան Գրիգորյանը, ի պատասխան «Հայկական ժամանակ»-ի թղթակցի հարցի, թե պաշտոնյաներից ովքեր են որսի սիրահար, ասել է' շատ-շատ են: «Եթե մեկին զանգում եք, չի պատասխանում, ուրեմն' որսի է»,- պատկերացում կազմելու համար, թե ինչ չափի որսի սիրահար են պաշտոնյաները, հուշել է Գրիգորյանը:

Նա ներկայացրել է նաև իր խանութում զենքի վաճառքի վիճակագրությունը և իր տեսակետը հայտնել «Զենքի մասին» օրենքի վերաբերյալ: Ի դեպ, ՀՀ ոստիկանությունից «ՀԺ»-ին հայտնեցին, որ «Զենքի մասին» նոր օրենքի նախագիծը, որը դեռևս օգոստոսին ներկայացվել էր կառավարության հաստատմանը, վերադարձվել է հեղինակին' լրամշակման նպատակով: