ԱՄՆ-ում հայտարարել են, որ Բայդենը ցանկանում է խուսափել Ուկրաինայի հակամարտության ընդլայնումից
Համաշխարհային Մամուլ
ԱՄՆ պետքարտուղար Էնթոնի Բլինկենը հայտարարել է, որ ԱՄՆ նախագահ Ջո Բայդենը ցանկանում է խուսափել Ուկրաինայում հակամարտության ընդլայնումից, հայտնում է РИА Новости-ն։
France 2 հեռուստաալիքին տված հարցազրույցում Բլինկենն ասել է, որ Միացյալ Նահանգների ղեկավարությունը «ցանկանում է վերջ տալ, բայց ոչ ընդլայնել» հակամարտությունը։
«Մենք չենք ցանկանում պատերազմ Ռուսաստանի հետ, հատկապես՝ երրորդ համաշխարհային պատերազմ»,- ասել է Բլինկենը։
Պետքարտուղարը նշել է նաև, որ ԱՄՆ-ն կապի մեջ է Ռուսաստանի հետ, երկու երկրներն ունեն թեմաներ, որոնք պետք է քննարկել։
«Օրինակ, մենք շարունակում ենք շփումները Ռուսաստանի հետ, քանի որ վախենում ենք, որ նա միջուկային զենք կկիրառի, ինչը աղետ է»,- ասել է քաղաքական գործիչը։
Նրա խոսքով, ԱՄՆ-ն չի տեսնում «Ռուսաստանի Դաշնության շարժումն այս ուղղությամբ»։
Ավելի վաղ Defense Priorities-ի հետազոտող Բոնի Քրիստիանը գրել էր, որ Վաշինգտոնի գործողություններն Ուկրաինայում ավելի շատ նման են Մոսկվայի հետ ուղղակի հակամարտության, քան պնդում են ԱՄՆ իշխանությունները։ Նրա խոսքով՝ Սպիտակ տունը հայտարարում է Ռուսաստանի հետ անմիջական բախման անթույլատրելիության մասին՝ միաժամանակ Ուկրաինա զենք ուղարկելով, մասնավորապես՝ HIMARS MLRS։
Ամենադիտված 
Մնաս բարյավ. Րաֆֆի Հովհաննիսյան
