ՔՊ-ի «լռակյաց» պատգամավորները. Հռիփսիմե Գրիգորյան

Շարունակելով ընթերցողների ուշադրությանը և դատին ներկայացնել իշխող քաղաքացիական պայմանագիր կուսակցության խորհրդարանական խմբակցության առավել քիչ հայտնի և արգասաբեր օրենսդրական գործունեությամբ աչքի չընկած անդամներին՝ այսօր կանդրադառնանք Հռիփսիմե Գրիգորյանին:

Նախ ցույց տանք, թե ինչպես է փոխվել Գրիգորյանի կյանքը պատգամավորական մանդատը ստանձնելուց հետո: Պաշտոնը ստանձնելու օրվա դրությամբ Գրիգորյանը հայտարարագրել էր 1,158,579.00 դրամ և 12 եվրո: Աշխատանքի վարձատրությունը կազմել է 8,647,670.00 ՀՀ դրամ: Արդեն այս տարի պատգամավորը հայտարարգրել է 1,353,941.00 ՀՀ դրամի եկամուտ,  դրամական միջոցները կազմել են 7,981,563.00 ՀՀ դրամ, 2020-ին պատգամավորը անչափ ուշագրավ նվիրատվություն է ստացել՝ հողամաս և ավտոտնակ, մի դեպքում, երբ տրանսպորտային որևէ միջոց նա չի հայտարարգրել:

Ինչո՞վ է աչքի ընկել ԱԺ-ում Հռիփսիմե Գրիգորյանը: Վերջինս կողմ է քվեարկել 205 անգա,մ, բացակայել է 47 անգամ, տվել է 2 հարց, ունեցել 1 ելույթ, հանդես է եկել 0 օրենսդրական նախաձեռնությամբ:

Վերջինս նաև հայտնի է իր սկանդալային հայտարարությամբ, համաձայն որի՝ Հայաստանը պարզապես պետք է լվանա ձեռքերը Արցախից, քանի որ չունի որևէ ռեսուրս ապահովելու Արցախի անվտանգությունը։

ԱԺ-ում իր թերևս եզակի ելույթներից մեկն էլ այնքան ուրախ-զվարթ էր անցել , որ պատգամավորը քիչ էր մնում ընկնի ԱԺ ամբիոնից։

Գրիգորյանը նաև աչքի է ընկել Արցախում ռուսական խաղաղապահ զորակազմի և, ընդհանրապես, ՌԴ-ի դեմ ուղղված իր գրառումներով, որոնք հաճախ հայտնվում են ՔՊ ֆեյսբուքյան պաշտոնական էջում։