Իլոն Մասկը դեմ չէ իր սեփական երեխային չիպավորելուն

Միլիարդատեր Իլոն Մասկը հայտարարել է, որ աջակցում է իր Neuralink ընկերության կողմից մշակված չիպն իր երեխաներից մեկի մեջ տեղադրելու գաղափարին։ Այս մասին հայտնում է Business Insider-ը։

Neuralink-ի կենտրոնակայանում տեղի ունեցած միջոցառման ժամանակ Մասկը պարզաբանել է, որ չիպերի տեղադրման գործընթացի ժամանակ չի վախենա իր երեխաների առողջության համար։ «Մենք գտնվում ենք այն կետում, որտեղ, չեմ կարծում, որ դա վտանգավոր կլինի», - հավելել է Մասկը:

Նա նշել է, որ երեխայի առողջական խնդիրների դեպքում անպայման կգնա նման քայլի։ Ակնկալվում է, որ Neuralink ինտերֆեյսը կօգտագործվի նախնական փորձարկումներում՝ օգնելու կաթվածահարություն ունեցող մարդկանց:

Neuralink չիպը վերահսկում է ուղեղի գործունեությունը և նպատակ ունի խթանել այն թույլ էլեկտրական լիցքաթափումներով: Ընկերությունը նախատեսում է ռոբոտի միջոցով չիպեր տեղադրել մարդու գանգում: