ՔՊ-ի «լռակյաց» պատգամավորները. Սոնա Ղազարյան

Շարունակելով ընթերցողների դատին ներկայացնել իշխող «Քաղաքացիական պայմանագիր» կուսակցության ամենապասիվ և հանրությանը քիչ ծանոթ պատգամավորներին՝ այսօր կանդրադառնանք պատգամավոր Սոնա Ղազարյանին:

Նախ ուսումնասիրենք, թե ինչպես է փոխվել պատգամավոր Ղազարյանի սոցիալ-ֆինանսական դրությունը պաշտոնը ստանձնելու օրվա դրությամբ և այսօր: 2019-ին Ղազարյանը հայտարարագրել էր ընդամենը 800.00 եվրո և 560,000.00 դրամի ստացված վարկ: 2020-ին նա արդեն բնակարան է ձեռք բերել Կոտայքի Առինջ համայնքում, բանկային հաշիվների մնացորդները կազմել են 450,000.00 դրամ, եկամուտները՝ 35,879,530.00 դրամ:

Ինչո՞վ է ԱԺ-ում աչքի ընկել Սոնա Ղազարյանը: Նա կողմ է քվեարկել 259 անգամ,  բացակայել է 2 անգամ, տվել է 7 հարց, ունեցել 6 ելույթ, հանդես եկել 0 օրենսդրական նախաձեռնությամբ:

Ղազարյանը մեկ անգամ հայտնվեց մամուլի ուշադրության կենտրոնում, այն էլ ոչ թե իր բուռն օրենսդրական գործունեության համատեքստում, այլ այն պատճառով, որ իր սկեսրայրի ուսանող եղբորորդի Ռուբեն Բանուչյանին նշանկել էր իրեն խորհրդական: Ի դեպ, օգնականն էլ «Ռեստարտ» խմբի անդամ է, և ինչպես վերջիններս, այնպես էլ «Իրազեկ քաղաքացիների միավորում» հասարականական կազմակերպության անդամները, պետական օղակներում լավ տեղեր են զբաղեցնում։

Սոնա Ղազարյանի հարցազրույցներից մեկում հնչեցրած մտքի գոհարն էլ ընդհանրապես սոցիալական ցանցերում մեմերի էր վերածվել: Բանն այն է, որ պատգամավորը ոչ ավել, ոչ պակաս հայտարարել էր, որ մահը շատ ավելի վախենալու է, քան Սերժ Սարգսյանն ու Ռոբերտ Քոչարյանը: