Ուկրաինայի իշխանությունները հաստատել են իրենց մասնակցությունը ռուսական օդանավակայանների վրա հարձակումներին. WP
Համաշխարհային Մամուլ
Ուկրաինացի բարձրաստիճան պաշտոնյան հայտարարել է, որ Կիևն է կանգնած Սարատովի, Ռյազանի և Կուրսկի մերձակայքում գտնվող ռուսական օդանավակայանների վրա հարձակման հետևում, թեև Ուկրաինայի իշխանությունները պաշտոնական լռություն են պահպանում։ Այս մասին նա անանունության պայմանով խոսել է ամերիկյան Washington Post թերթի հետ զրույցում։
«Դրանք ուկրաինական անօդաչու թռչող սարքեր են, շատ հաջողված, շատ արդյունավետ», - ասել է աղբյուրը: Սակայն կատարվածի մասին մանրամասներ չեն հաղորդվում։
Ավելի վաղ հաղորդվել էր, որ Ռյազանի մերձակայքում գտնվող օդանավակայանում վառելիքի ցիստեռնի պայթյունի հետևանքով՝ երեք մարդ է մահացել։
Telegram Baza ալիքը հայտնել է, որ անհայտ անօդաչու թռչող սարքը հարձակվել է Ռուսաստանի Սարատովի մարզում գտնվող օդանավակայանի վրա։ Սարատովի մարզի նահանգապետ Ռոման Բուսարգինը հայտնել է, որ քաղաքի բնակելի թաղամասերում արտակարգ իրավիճակներ չեն եղել, անհանգստության պատճառներ չկան, իսկ քաղաքացիական ենթակառուցվածքները չեն տուժել։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
