Fox News-ի հաղորդավարը Զելենսկուն դիկտատոր է անվանել

Ուկրաինայի նախագահ Վոլոդիմիր Զելենսկին հետաքրքրված չէ ազատությամբ և ժողովրդավարությամբ։ Նման կարծիք է հայտնել Fox News-ի հաղորդավար Թակեր Կարլսոնը։

«Ինչ էլ որ մտածեք Ուկրաինայի պատերազմի մասին, պարզ է, որ Զելենսկին հետաքրքրված չէ ազատությամբ և ժողովրդավարությամբ։ Իրականում Զելենսկին շատ ավելի մոտ է Լենինի, քան Ջորջ Վաշինգտոնի սկզբունքներին։ Նա բռնապետ է»,- ասել է Կարլսոնը։ Նա հիշեցրել է, որ մի շարք ամերիկյան լրատվամիջոցներ Ուկրաինայի ղեկավարին համեմատել են ԱՄՆ առաջին նախագահ Ջորջ Վաշինգտոնի հետ։

Հաղորդավարի խոսքով՝ Զելենսկին «հարյուր միլիարդ ԱՄՆ դոլար է օգտագործել Ուկրաինայում միակուսակցական ոստիկանական պետություն ստեղծելու համար»։

Կարլսոնը հավելել է, որ «վերջին երկու տարվա ընթացքում Զելենսկին արգելել է ընդդիմադիր կուսակցություններին, ուժով փակել քննադատական ​​լրատվամիջոցները, ձերբակալել է իր քաղաքական հակառակորդներին և զինվորներին ուղարկել եկեղեցիներ»։

Նա նաև քննադատել է ԱՄՆ նախագահ Ջո Բայդենի վարչակազմին՝ Զելենսկու նման գործողություններին չարձագանքելու համար։

«Իրականությունն այն է, որ ուկրաինացիները չեն կարող լսել ԶԼՄ-ներին, որոնք քննադատում են Զելենսկու կառավարությանը, քանի որ դրանք արգելված են։ Նրանք չեն կարողանում լսել ռուս կատարողների երաժշտությունը։ Եվ սա թալիբների կողմից վերահսկվող Աֆղանստանում չէ։ Սա Ուկրաինայի ժողովրդավարությունն է, որին մենք պաշտպանում ենք»,- ասել է հեռուստահաղորդավարը։