Մենք խելքներս չենք կորցրել, մենք գիտենք, թե ինչ է միջուկային զենքը. Պուտին

Ռուսաստանը գիտակցում է միջուկային զենքի կիրառման վտանգը, ասել է ՌԴ նախագահ Վլադիմիր Պուտինը Քաղաքացիական հասարակության և մարդու իրավունքների զարգացման խորհրդի անդամների հետ հանդիպման ժամանակ, գրում է Ռիա Նովոստին։

«Մենք խելքներս չենք կորցրել, մենք տեղյակ ենք, թե ինչ է միջուկային զենքը»,- ասել է նախագահը` նշելով, որ Ռուսաստանը չէ, որ խոսել է այս տեսակի զենքի կիրառման հնարավորության մասին։

«Մեծ Բրիտանիայի վարչապետը [Լիզ Թրասը] ուղղակիորեն հրապարակավ ասաց, որ պատրաստ է դա անել։ Սրան ի պատասխան՝ ես ստիպված էի որոշ բաներ ընդգծել», - ասել է ՌԴ նախագահը։ Նա ընդգծել է, որ Թրասի հայտարարությունը ոչ ոքի չի նկատել. «Իսկ այն, ինչ մենք ասում ենք, անմիջապես տարածվում է, և այդ հայտարարությունները սկսում են վախեցնել ողջ աշխարհին»,- հավելել է ՌԴ ղեկավարը։

Միաժամանակ, Պուտինն ընդգծել է, որ Ռուսաստանը ոչ միայն միջուկային զենք ունի, այլև «ավելի առաջադեմ ու ժամանակակից վիճակում է, քան ցանկացած այլ միջուկային երկիր»։ «Այսօր դա ակնհայտ փաստ է»,- ասել է նա։

«Այնուամենայնիվ, Ռուսաստանը չի պատրաստվում աշխարհով վազել՝ այս զենքը ածելիի պես ճոճելով։ Բայց, իհարկե, մենք ելնում ենք այն փաստից, որ դա կա: Սա բնական զսպող միջոց է, ոչ թե հակամարտության ընդլայնում հրահրող, այլ զսպող: Հուսով եմ, որ բոլորը դա հասկանում են»,- եզրափակել է Պուտինը: