Եվրոպան հավելյալ կվճարի Թուրքիային Ռուսաստանից վերամշակված նավթի համար․ Dir.bg

Ռուսաստանը կկարողանա իր նավթը վերաուղղորդել թուրքական նավթավերամշակման գործարաններին, որոնք այն կվերավաճառեն եվրոպական երկրներ ավելի բարձր գնով: Այս մասին Dir.bg պորտալին տված հարցազրույցում ասել է Բուլղարիայի նավթի և գազի ասոցիացիայի նախագահ Ժիվոդար Թերզիևը։

«Ամենից շատ Թուրքիան է մտադիր օգուտ քաղել ստեղծված իրավիճակից։ Ստացվում է, որ ռուսական նավթը և «հարավից» (Մերձավոր Արևելքի, Ծոցի և Աֆրիկայի երկրներից) նավթը կգնան թուրքական նավթավերամշակման գործարաններ, որտեղ կձևավորվի հավելյալ արժեքը՝ շահույթ նավթամթերքի արտադրությունից, և դրա համար կվճարենԿենտրոնական և Արևելյան Եվրոպան»,- նշել է Թերզիևը:

Նրա խոսքով, բացի Թուրքիայից, իրենց շահույթը կավելացնեն նաև Ղազախստանն ու Ադրբեջանը։ Նրանք եվրոպական շուկա ռուսական վառելանյութից վերամշակված նավթամթերքի ավանդական մատակարարներ են։

Նա հավելել է, որ Ռուսաստանը այլընտրանքային ուղիներ է գտնում իր էներգառեսուրսները մատակարարելու համար։ Միևնույն ժամանակ, վերջին մի քանի տարիների ընթացքում բազմաթիվ բանակցություններ են եղել՝ Արևելյան և Հարավային Ասիայի երկրներ մատակարարումների երկարաժամկետ համաձայնագրերի շուրջ։ Հենց այս շուկաներն ունեն անսահմանափակ սպառում և հնարավորություններ։