Ուկրաինայում պատերազմը կարող է վերածվել ՆԱՏՕ-ի և Ռուսաստանի միջև մեծ պատերազմի. Ստոլտենբերգ

ՆԱՏՕ-ի գլխավոր քարտուղար Յենս Ստոլտենբերգը մտավախություն ունի, որ Ուկրաինայում մարտերը կարող են դուրս գալ վերահսկողությունից:

Ինչպես նա հայտարարել է NRK-ին տված հարցազրույցում, այդ ժամանակ պատերազմը կարող է տարածվել եվրոպական այլ երկրներում և վերածվել պատերազմի Ռուսաստանի և ՆԱՏՕ-ի միջև։

«Ես վախենում եմ, որ Ուկրաինայում պատերազմը դուրս կգա վերահսկողությունից և կվերածվի մեծ պատերազմի ՆԱՏՕ-ի և Ռուսաստանի միջև: Բայց ես վստահ եմ, որ մենք կխուսափենք դրանից»,- ասել է Դաշինքի գլխավոր քարտուղարը՝ մանրամասներ չհայտնելով:

Ստոլտենբերգի խոսքով՝ «կասկած չկա, որ լայնամասշտաբ պատերազմ հնարավոր է»։ Նա նաև ընդգծել է հակամարտությունից խուսափելու կարևորությունը, որը կներգրավի ավելի շատ եվրոպական երկրներ:

Ինչպես հայտնի է, Կրեմլը պարբերաբար մեղադրում է ՆԱՏՕ-ին հակամարտության կողմ լինելու մեջ՝ Ուկրաինային ռազմական օգնություն տրամադրելով և ուկրաինացի զինվորականներին մարզելով։

Սակայն ՆԱՏՕ-ն ձեռնպահ է մնում պատերազմին անմիջական մասնակցությունից։ Դաշինքը նաև հրաժարվում է փակել Ուկրաինայի երկինքը՝ նույնիսկ ՆԱՏՕ-ի անդամ Լեհաստանի տարածքում հրթիռների անկումից հետո։ Գերմանական կողմը բացատրել է, որ որոշումը պայմանավորված է ՆԱՏՕ-ի ցանկությամբ՝ խուսափելու ռազմաքաղաքական բլոկի և Ռուսաստանի Դաշնության միջև ուղիղ առճակատումից։

Կարծիքներ կային նաև, որ ՆԱՏՕ-ն կարող է զորքեր մտցնել Ուկրաինայի տարածք, եթե Ռուսաստանի Դաշնությունը միջուկային զենք օգտագործի։