Ռուսաստանը կարող է վերականգնել Վրաստանի հետ ուղիղ չվերթները. ՌԴ ԱԳՆ

ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարն ասել է, որ անհրաժեշտ նախադրյալների ստեղծման դեպքում Ռուսաստանը կարող է որոշել վերսկսել ուղիղ ավիաչվերթները Վրաստանի հետ և ազատականացնել իր քաղաքացիների համար։ Այս մասին հայտնում է ՏԱՍՍ-ը։

«Ինչ վերաբերում է Վրաստանի քաղաքացիների համար ուղիղ ավիաչվերթների վերսկսման և վիզային ռեժիմի ազատականացման հեռանկարներին, եթե դրա համար անհրաժեշտ նախադրյալներ ստեղծվեն, Թբիլիսիում պայմանները լավ հայտնի են, մենք չենք բացառում որոշումների ընդունումն այդ հարցով»,- ասել է Գոնչարը։

Ավելի վաղ Պետդումայի ԱՊՀ հարցերով կոմիտեի նախագահ Լեոնիդ Կալաշնիկովը հայտարարել էր, որ հնարավոր է վերականգնել Ռուսաստանի և Վրաստանի միջև ուղիղ չվերթները և չեղարկել վիզային ռեժիմը։

Ռուսաստանի և Վրաստանի միջև օդային ճանապարհորդությունների ժամանակավոր արգելք է մտցվել 2019 թվականի հունիսի 21-ից։ Նման որոշում է կայացվել Թբիլիսիում մեկ օր առաջ սկսված զանգվածային ցույցերի կապակցությամբ։ Դրանց պատճառն այն էր, որ Ուղղափառության միջխորհրդարանական վեհաժողովի գլխավոր ասամբլեայի բացման ժամանակ Վրաստանի խորհրդարանի խոսնակի տեղը զբաղեցրեց ռուս պատգամավոր Սերգեյ Գավրիլովը։ Դա առաջացրեc ընդդիմադիրների սուր քննադատությունը, որոնք մարդկանց ցույցի բերեցին։