Ուկրաինան ամբողջությամբ կարող է հոսանքազրկվել. Կուլեբա

Ուկրաինայի արտաքին գործերի նախարար Դմիտրի Կուլեբան հայտարարել է, որ երկրում հնարավոր է էլեկտրաէներգիայի ամբողջական անջատում։ Այս մասին նա ասել է գերմանական ARD հեռուստաալիքին տված հարցազրույցում։

Նրա խոսքով՝ դա չի հանգեցնի ուկրաինացիների հեռանալուն։ «Երկրի քաղաքացիներն ավելի հավանական է, որ սկսեն տեղափոխվել գյուղական վայրեր, որտեղ վառելափայտով տաքացնելու հնարավորություն կա»,-նշել է նա։

Ավելի վաղ NPC Ukrenergo-ի խորհրդի ղեկավար Վլադիմիր Կուդրիցկին հայտարարել էր, որ Ուկրաինան մի քանի օրից կարող է վերադառնալ էլեկտրաէներգիայի պլանային անջատումներին։ Նա պարզաբանել է, որ էլեկտրաէներգիայի դեֆիցիտն իջեցվում է այն ցուցանիշների, երբ յուրաքանչյուր չորս ժամը մեկ անջատում են սպառողների տարբեր խմբերի էլեկտրաէներգիան։