Շվեդիան հրաժարվել է կործանիչներ ուղարկել Ուկրաինա

Շվեդիայի պաշտպանության նախարարության ղեկավար Փոլ Ջոնսոնը հայտարարել է, որ Ստոկհոլմը Ուկրաինային Yas Gripen կործանիչներ չի մատակարարի։ Այս մասին նա ասել է լրագրողներին, հայտնում է Aftonbladet թերթը։

«Ես ուզում եմ հստակ ասել. մոտ ապագայում դրանք Ուկրաինա ուղարկելու պլաններ չկան», - ասել է նա:

Ջոնսոնը նաև ասել է, որ ռազմական օգնության հաջորդ փաթեթը, որը թագավորությունը հատկացրել է Ուկրաինային, 50%-ով ավելի է նախորդից և ներառում է հակաօդային պաշտպանության սարքավորումներ։ Համապատասխան հայտարարությամբ նա հանդես է եկել Օդեսայում կայացած մամուլի ասուլիսում՝ Ուկրաինա կատարած այցի ժամանակ։

Նա հիշեցրել է, որ նոյեմբերին Շվեդիայի կառավարությունն ընդունել է Կիևին աջակցության իններորդ փաթեթը, որն, ըստ նրա, «արդեն 50 տոկոսով ավելի է ութերորդից»:

Մինչ այս Շվեդիայի արտաքին առևտրի նախարար Յոհան Ֆորսելը հայտարարել էր, որ Ուկրաինան 2023 թվականին կդառնա Շվեդիայից ամենաշատ օգնություն ստացող երկիրը։