Հունաստանի ԱԳ նախարարն անընդունելի է համարել Աթենքին հրթիռային հարված հասցնելու Թուրքիայի սպառնալիքը

Հունաստանի արտաքին գործերի նախարար Նիկոս Դենդիասը անընդունելի է համարել Հունաստանի տարածքին հրթիռային հարված հասցնելու Թուրքիայի սպառնալիքները։ Այդ մասին նա հայտարարել է Բրյուսելում ԵՄ արտաքին գործերի խորհուրդ ժամանելուց հետո։

«ՆԱՏՕ-ի անդամի, դաշնակից երկրի կողմից Հունաստանին հրթիռային հարվածի սպառնալիքն անընդունելի է եւ լիովին դատապարտելի։ Հյուսիսային Կորեայի մտածելակերպը տեղ չունի Հյուսիսատլանտյան դաշինքում»,- ասել է հույն նախարարը։