Ամենահյուրասեր երկրների ցանկում Հայաստանն առաջ է անցել Թուրքիայից, Ադրբեջանը ցուցակում չկա

«CNN Travel»-ի կազմած ցուցակի համաձայն՝ 2022 թվականի ամենահյուրասեր երկրների ցուցակում Հայաստանը զբաղեցրել է 25-րդ, իսկ Թուրքիան՝ 29-րդ հորիզոնականը։ Այս մասին հայտնում է Ermenihaber.am-ը։

Ուշագրավ է, որ ցուցակի առաջին հորիզոնականում տեղ է գտել միանգամից 23 երկիր։ Դրանցից են Բոլիվիան, Անգոլան, Ջիբութին, Մալդիվները, Սոմալին, Հարավային Սուդանը, Կոնգոյի Դեմոկրատական Հանրապետությունը, Գաբոնը, Նիգերիան, Կատարը և այլ երկրներ։

Վարկանիշային ցուցակի 2-րդ տեղը կիսում են միանգամից 6 երկիր, իսկ 3-րդ տեղը՝ 3 երկիր։

Իսկ հյուրասիրության ցածր ցուցանիշներով ցուցակի վերջին հորիզոնականներում հայտնվել են Սուդանը, Մյանմարը, Ալժիրը, Բութանը, Թուրքմենստանն ու Աֆղանստանը։

Նշենք, որ Ադրբեջանին ընդհանրապես տեղ չի հատկացվել այս տարվա ցուցակում։