2014 թվականից ԵՄ-ն Ուկրաինային 90 միլիարդ եվրո է տրամադրել. Ուրսուլա ֆոն դեր Լյայեն

Եվրահանձնաժողովի նախագահ Ուրսուլա ֆոն դեր Լյայենը հայտարարել է, որ 2014 թվականից Եվրամիությունը 90 միլիարդ եվրո ֆինանսական օգնություն է հատկացրել Ուկրաինային, հաջորդ տարի Կիևը կստանա ևս 18 միլիարդ եվրո, հայտնում է ՏԱՍՍ-ը։

Ֆոն դեր Լյայենը պարզաբանել է, որ 18 միլիարդ եվրոն կբաժանվի 12 ամիսների միջև, այսինքն՝ Կիևը ամեն ամիս կստանա 1,5 միլիարդ եվրո, գումարը կհատկացվի արտոնյալ վարկերի տեսքով։

Ավելի վաղ հայտնի էր դարձել, որ ԵՄ երկրների մշտական ​​ներկայացուցիչները միաձայն հավանություն են տվել 2023 թվականին Ուկրաինային 18 միլիարդ եվրոյի հատկացմանը։

Ինչպես պարզաբանել են Եվրամիության խորհրդում, այս կարճաժամկետ վարկային օգնությունը նախատեսված է՝ ֆինանսավորելու Ուկրաինայի հրատապ կարիքները, վերականգնելու նրա կրիտիկական ենթակառուցվածքը և ի սկզբանե աջակցել երկրին եվրաինտեգրման ճանապարհին: