Չինաստանը հարյուր միլիարդավոր դոլարներ կծախսի ԱՄՆ-ի դեմ պայքարելու համար

Չինաստանը նախատեսում է ֆինանսական օգնության փաթեթ ընդունել կիսահաղորդիչներ արտադրողների համար՝ ավելի քան 1 տրիլիոն յուան ​​(մոտ 143 միլիարդ դոլար) արժողությամբ՝ ԱՄՆ պատժամիջոցներին դիմակայելու համար։ Այս մասին հայտնում է Reuters-ը՝ վկայակոչելով իրավիճակին ծանոթ երեք աղբյուրների։

Նշվում է, որ միլիարդավոր դոլարների հատկացումը կարեւոր քայլ է չիպերի ինքնաբավության ճանապարհին։ Պեկինը այդ միջոցները կձեռնարկի հիմնականում առանձին ընկերությունների և գործարանների համար սուբսիդիաների և հարկային արտոնությունների տեսքով, ասել են աղբյուրները:

Երկու աղբյուր նշել են, որ պլանը կարող է իրականացվել արդեն 2023 թվականի առաջին եռամսյակում։ Ֆինանսական օգնության մեծ մասը կուղղվի տեղական ֆիրմաների կողմից չինական սարքավորումների գնումների սուբսիդավորմանը, ասել են նրանք: Նոր միջոցառումների համաձայն՝ ընկերությունները այնուհետև իրավունք կունենան 20 տոկոս սուբսիդավորման՝ գնումների համար: