Էրդողանը հանդիպել է Վոլոդինի հետ

Թուրքիայի նախագահ Ռեջեփ Թայիփ Էրդողանը Անկարայում ընդունել է Ռուսաստանի խորհրդարանի նախագահ Վյաչեսլավ Վոլոդինին։ Այս մասին այսօր՝ դեկտեմբերի 13-ին, հայտնում է A News լրատվական պորտալը։

Թուրքիայի նախագահի գրասենյակը լրացուցիչ տեղեկություն չի տարածել նախագահական համալիրում Էրդողանի և Վոլոդինի փակ հանդիպման մասին։

Ավելի վաղ Թուրքիայի խորհրդարանի (Ազգային մեծ ժողով) նախագահ Մուստաֆա Սենթոփը և Վյաչելավ Վոլոդինը քննարկել էին Թուրքիայի և Ռուսաստանի խորհրդարանների միջև հարաբերությունների զարգացումը, երկկողմ հարաբերությունները և տարածաշրջանային այլ հարցեր։