Երկրին է մոտենում «Սուրբ Ծննդյան» աստղակերպը

Եվրոպացի գիտնականները հայտնաբերել են 2015 RN35 աստղակերպը, որը թռչում է դեպի Երկիր, հայտնում է Եվրոպական տիեզերական գործակալությունը Twitter-ում։ Այս մասին հաղորդում է ՌԻԱ Նովոստին

«2015 RN35 աստղակերպը բավականաչափ մեծ է և կթռչի շատ մոտ հեռավորությամբ, որպեսզի սիրողական աստղագետները կարողանան նրան հետևել», - ասվում է տեքստում։

Daily Express թերթը նշել է, որ երկնային մարմնի տրամագիծը հասնում է 140 մետրի և այն կմոտենա մեր մոլորակին 680 հազար կիլոմետր հեռավորության վրա, ուստի մոտ ապագայում այն վտանգ չի ներկայացնում մարդկության համար։

Բրիտանացի լրագրողները 2015 RN35-ին անվանել են «Սուրբ Ծննդյան աստղակերպ»։