Կիևի բնակիչները սկսել են նախապատրաստվել միջուկային հարվածի. The Washington Post

Ուկրաինայի մայրաքաղաքի բնակիչները պատրաստվում են հնարավոր միջուկային հարվածի, գրում է The Washington Post-ը։

Հրապարակման հեղինակները պատմել են մի քանի պատմություն կիևցիների մասին, ովքեր հավաքում են «միջուկային ուսապարկեր», վերազինում են բնակելի շենքերի նկուղները և պատրաստում շարժական էներգիայի գեներատորներ։

«Ռազմական փորձագետները միջուկային հարվածի վտանգը ցածր են գնահատում, և Պենտագոնի պաշտոնյաներն ասել են, որ իրենք ապացույցներ չեն տեսնում, որ Ռուսաստանը պատրաստվում է հարված հասցնել: Սպառնալիքը կարող է ավելի նվազել այն բանից հետո, երբ չորեքշաբթի օրը [Ռուսաստանի նախագահ Վլադիմիր] Պուտինը ռուս լրագրողներին ասաց, որ Ռուսաստանը «խելագար չէ» միջուկային զենք կիրառելու հարցում և հասկանում է դրան կիրառման լուրջ հետևանքները։

Հաղորդվում է, որ Կիևի մետրոպոլիտենն ունի միջուկային սպառնալիքի դեպքում ապաստարանների ցանց, որը կառուցվել է խորհրդային տարիներին, այդ թվում՝ աշխարհի ամենախոր «Արսենալնայա» կայարանը, որը գտնվում է գետնի տակ՝ 105,5 խորության վրա։