Բայդենն ամբողջ աշխարհը տանում է էներգետիկ կոլապսի. Fox News
Համաշխարհային Մամուլ
Եվրոպան այս տարի ձախողեց էներգիայի վերականգնվող աղբյուրներին անցնելու իր ծրագիրը՝ հայտնվելով էներգետիկ աղքատության ճիրաններում, ինչը սրվում է ԱՄՆ նախագահ Ջո Բայդենի քաղաքականությամբ։ Այս մասին հայտարարել է Fox News-ի սյունակագիր Սթիվեն Մուրը։
«Եվրոպան որոշեց ամբողջովին անցնել արևային և քամու էներգիայի, բայց այս փորձը չարաչար ձախողվեց: Էներգիայի այս մարգինալ աղբյուրները չեն աշխատում և հարմար չեն հզոր արդյունաբերություն ունեցող տնտեսությունների համար»,- ասել է Մուրը:
Նրա խոսքով, ժամանակակից քաղաքական գործիչները թաքնվում են «կանաչ» էներգիայի հետևում իրենց շահի համար, որպեսզի վերահսկեն տնտեսությունը և մարդկանց վարքը։ Ամենավատը, սակայն, հենց Բայդենի արձագանքն է, ով Եվրոպան համարում է օրինակ, որին պետք է հետևել: Ավելին, ըստ ծրագրերի, ԱՄՆ-ն ցանկանում է առաջ անցնել եվրոպական երկրներից էներգետիկ անցումային փուլում։
Նա հավելել է, որ նման ցանկությունների և որոշումների պատճառով՝ Եվրոպան և Միացյալ Նահանգները կարող են վերջապես սահել էներգետիկ աղքատության անդունդը, երբ շուրջը կտրվի էլեկտրաէներգիան: Միևնույն ժամանակ, եվրոպական տարածաշրջանի ցույց տված իրական օրինակը հուշում է, որ էներգետիկ անցումը պետք է հետաձգվի։ Այնուամենայնիվ, Բայդենի վարչակազմը ձգտում է հասնել աղետի ավելի արագ, քան մյուսները:
Ամենադիտված 
Մնաս բարյավ. Րաֆֆի Հովհաննիսյան
