Իրանում երկու դեռահասների մահապատիժ է սպառնում բողոքի ակցիաներին մասնակցելու համար

Իրանում երկու դեռահասների մահապատիժ է սպառնում հակակառավարական ցույցերին մասնակցելու համար։ Այս մասին հայտնում է Diken հրատարակությունը։

Պորտալի տվյալներով՝ 17-ամյա Սոգնյա Շարիֆին բերման է ենթարկվել նոյեմբերին տատիկի տանը հակակառավարական ցույցերին մասնակցելուց հետո։ Նրան մեղադրում են «Աստծո դեմ պատերազմ մղելու մեջ»։

Իրանի իշխանությունները պնդում են, որ աղջկան նկատել են Մոլոտովի կոկտեյլներ պատրաստելիս։ Նա նաև գրաֆիտի է նկարել։ Շարիֆին մեկ ամիս բանտում է եղել՝ մինչև դատավճռի հրապարակումը։ Իրավապաշտպանները հայտնել են, որ ձերբակալության ժամանակ նրան դաժան ծեծի են ենթարկել։

Նաև մահապատիժ է սպառնում 15-ամյա Ամիր Հոսեյն Ռահիմիին։ Այս մասին գրում է Newarab պորտալը։

Պորտալի տվյալներով՝ դեռահասը կալանքի տակ է գտնվում հոկտեմբերի կեսերից։ Դեռահասի մոր խոսքով՝ ցույցը ցրելու ժամանակ Ռահիմին վիրավորվել է կրակոցից։ Փամփուշտները դիպել են պարանոցին, ստամոքսին և գլխին։ Իրանի իշխանություններն առաջարկել են դեռահասին 11500 եվրո գրավի դիմաց ազատ արձակել, սակայն ընտանիքը նման գումար չունի։