Բայդենը խառնել է իր հոր մահվան տարեթիվը

ԱՄՆ նախագահ Ջո Բայդենը վետերանների հետ հանդիպման ժամանակ շփոթել է իր հոր մահվան տարեթիվը։ Այդ մասին գրում է Forbes-ը։

Ինչպես նշվում է, պետության ղեկավարի և վետերանների հանդիպման ժամանակ Բայդենը նշել է, որ հորը խնդրել է իր հորեղբոր Ֆրենկին «Մանուշակագույն սիրտ» շքանշան տալ Երկրորդ համաշխարհային պատերազմի ժամանակ մատուցած ծառայության համար։ Նա նաև հավելել է, որ այս իրադարձությունները տեղի են ունեցել 2008 թվականին իր՝ փոխնախագահի պաշտոնում ընտրվելուց հետո։

Այնուամենայնիվ, հայտնի է, որ Բայդենի հայրը մահացել է 2002 թվականին, իսկ հորեղբայր Ֆրենկը՝ 1999 թվականին՝ նրա պատմած իրադարձություններից գրեթե տասը տարի առաջ։ 

Լրագրողները ոչ մի արձանագրություն չեն գտել, որ Ջոզեֆ Բայդենը շքանշանը նվիրել է իր ազգականին. նա նախկինում երբեք այդ մասին չի խոսել, այդ մասին ոչ մի լուր չի գրվել, իսկ Ֆրենկ Բայդենի անունը չկա մրցանակակիրների ցանկում։