Կրեմլում Բելառուսին անվանել են թիվ մեկ դաշնակից

Բելառուսը Ռուսաստանի համար թիվ մեկ դաշնակիցն է, ինտեգրման հարցում կողմերն իրենց շահերից բխող քայլեր են անում, ոչ ոք ոչ մեկին չի ստիպում, ասել է ՌԴ նախագահի մամուլի քարտուղար Դմիտրի Պեսկովը, գրում է Ռիա Նովոստին։

«Բելառուսը Ռուսաստանի Դաշնության թիվ մեկ դաշնակիցն է և գործընկերը: Բելառուսի հետ մենք ունենք ամենաառաջադեմ ինտեգրացիոն ռեժիմը: Ոչ ոք ոչ ոքի չի պարտադրում, բոլորն անում են քայլեր, որոնք լավագույնս համապատասխանում են մեր ժողովուրդների շահերին և մեր միութենական պետության շահերին»,- ասել է Պեսկովը։

Երկուշաբթի օրը ՌԴ նախագահ Վլադիմիր Պուտինը կմեկնի Մինսկ, որտեղ կկայանան ռուս-բելառուսական բանակցությունները։