Իսրայելը հրթիռներ է արձակել Դամասկոսի օդանավակայանի մոտակայքում գտնվող տարածքների ուղղությամբ. AlHadath

Իսրայելական ուժերը հրթիռային հարված են հասցրել Դամասկոսի արվարձանում գտնվող օդանավակայանին հարող տարածքին։ Այս մասին հայտնում է AlHadath հեռուստաալիքը։

Հարձակման են ենթարկվել Սիրիայի մայրաքաղաքի օդանավակայանի մոտ գտնվող չորս թաղամասեր։

Հոկտեմբերի 27-ին Սիրիայում պատերազմող կողմերի հաշտեցման ռուսական կենտրոնի ղեկավարի տեղակալ, գեներալ-մայոր Օլեգ Եգորովը հայտարարել է, որ Իսրայելի ռազմաօդային ուժերի F-16 կործանիչները հարվածել են Դամասկոսի թիրախներին։

Մինչ այս, SAR-ի հակաօդային պաշտպանությունը ոչնչացրել է երկու թևավոր հրթիռ և չորս կառավարվող ռումբեր, որոնք արձակվել են Իսրայելի ռազմաօդային ուժերի ինքնաթիռների կողմից՝ Դամասկոսի և Դիմասի օդանավակայանների ուղղությամբ։

Իսրայելական զինուժը պարբերաբար ավիահարվածներ է հասցնում հարևան երկրի տարբեր օբյեկտների վրա։ Վերջին ամիսներին գնդակոծվել են Դամասկոսը, Հալեպը, Տարտուս նավահանգիստը և Մասյաֆ քաղաքի հետազոտական ​​կենտրոնը։