ԱՄՆ-ն ցանկանում է ճանաչել Ռուսաստանը՝ որպես ագրեսոր պետություն. The Hill
Համաշխարհային Մամուլ
Միացյալ Նահանգների Կոնգրեսի ղեկավարությունն աշխատում է Ռուսաստանին որպես «ագրեսոր պետություն» ճանաչող օրինագծի շուտափույթ ներդրման վրա՝ Ուկրաինայի նախագահ Վոլոդիմիր Զելենսկու՝ չորեքշաբթի օրը Վաշինգտոն կատարելիք այցի ֆոնին։ Այդ մասին գրում է The Hill-ը։
Նման միջոցը թույլ կտա ԱՄՆ նախագահին նոր պատժամիջոցներ սահմանել Ռուսաստանի դեմ։ Այնուամենայնիվ, Հանրապետական կուսակցությունը կարծում է, որ նման օրինագիծը «անավարտ» պատասխան է Զելենսկու պահանջին՝ ճանաչել Ռուսաստանը՝ որպես ահաբեկչության պետական հովանավոր։
Կոնգրեսականներից մեկի օգնականը հրապարակմանը ասել է, որ «Բայդենի վարչակազմը հանդես է եկել այլընտրանքային կարգավիճակով, որն անգամ գոյություն չունի ԱՄՆ-ի ոչ ազգային, ոչ միջազգային օրենսդրության մեջ»:
«Սա վատ մտածված PR միջոց է, որը չի պատժի Ռուսաստանին և չի օգնի ուկրաինացի ժողովրդին»,- հավելել է կոնգրեսականի օգնականը։
Օրենքի նախագծում ասվում է, որ ԱՄՆ նախագահը, դրա ընդունումից հետո, կկարողանա Ռուսաստանին հայտարարել «ագրեսոր պետություն» և իրավունք կունենա «ցանկացած օտարերկրյա պետություն» ճանաչել՝ որպես ագրեսոր, եթե «որոշի նրա մասնակցությունը Ուկրաինայի դեմ ագրեսիայի մեջ»:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
