Չինաստանը պատրաստ է մերձենալ Ռուսաստանի հետ. Սի Ծինփին
Համաշխարհային Մամուլ
Չինաստանի իշխանությունները պատրաստ են սերտ համագործակցության և Ռուսաստանի հետ մերձեցման՝ հանուն ավելի արդար գլոբալ կառավարման։ Այս մասին չորեքշաբթի օրը հայտարարել է Չինաստանի նախագահ Սի Ցզինպինը Ռուսաստանի Դաշնության Անվտանգության խորհրդի ղեկավարի տեղակալ, «Եդինայա Ռոսիա» կուսակցության առաջնորդ Դմիտրի Մեդվեդևի հետ հանդիպման ժամանակ, գրում է ՏԱՍՍ-ը։
«Չինական կողմը պատրաստ է մերձենալ Ռուսաստանի հետ և մշտապես առաջ տանել մեր երկկողմ հարաբերությունները դեպի նոր դարաշրջան», - Սի Ցզինպինի խոսքերը մեջբերում է Չինաստանի կենտրոնական հեռուստատեսությունը։
Ինչպես նշել է Չինաստանի ղեկավարը, վերջին 10 տարիների ընթացքում Չինաստանի և Ռուսաստանի հարաբերությունները դիմակայել են բազմաթիվ փորձությունների՝ կապված միջազգային իրավիճակի փոփոխությունների հետ։ Նա մանրամասնել է, որ Պեկինը և Մոսկվան «անփոփոխ կերպով ապահովում են բարձր մակարդակի երկկողմ շփումների ներդաշնակ և կայուն զարգացումը»։
«Նոր դարաշրջանում չին-ռուսական համապարփակ ռազմավարական գործընկերության ձևավորումը Չինաստանի և Ռուսաստանի Դաշնության ընտրությունն է՝ հաշվի առնելով նրանց ազգային առանձնահատկությունները և երկարաժամկետ ռազմավարական շահերը»,- հավելել է Սի Ցզինպինը։
Ամենադիտված 
Մնաս բարյավ. Րաֆֆի Հովհաննիսյան
