Մենք ցանկանում ենք, որ Հայաստանը «զերծ մնա սադրանքներից»․ Հուլուսի Աքար
Ռուսաստան
«Մեզ բոլորիս համար կարևոր է մեր երկրների միջև ռազմավարական գործընկերության և համագործակցության հետագա ընդլայնումը»։ Այս մասին հայտարարել է Թուրքիայի ազգային պաշտպանության նախարար Հուլուսի Աքարը Թուրքիայի, Վրաստանի և Ադրբեջանի պաշտպանության նախարարների համատեղ մամուլի ասուլիսում, հայտնում է APA-ն։
Նա նշել է, որ գլոբալ և տարածաշրջանային սպառնալիքների լուրջ աճի ժամանակաշրջանում Ադրբեջանի, Վրաստանի և Թուրքիայի միջև զարգացող համագործակցությունը օրինակ կհանդիսանա այլ երկրների համար. «Հավատում եմ, որ համագործակցությունը, որը մենք զարգացնում ենք, զգալի ներդրում կունենան տարածաշրջանում հաստատուն խաղաղության և կայունության համար»։
Աքարը հայտարարել է, որ Հայաստանը պետք է ընդունի Ադրբեջանի և Թուրքիայի կողմից «մեկնած խաղաղության ձեռքը». «Մենք ցանկանում ենք, որ Հայաստանը սեղմի Ադրբեջանի և Թուրքիայի կողմից մեկնած խաղաղության ու բարեկամության ձեռքը, զերծ մնա սադրանքներից և նպատակաուղղվի խաղաղ բանակցություններին»,- ասել է նա:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
