Բայդենն ու Զելենսկին սկսել են չհասկանալ իրար. WP

Ուկրաինայի նախագահ Վոլոդիմիր Զելենսկին չի կարողացել հասնել ԱՄՆ կատարած այցի նպատակին և ձեռք բերել ավելի ժամանակակից զինատեսակներ, գրում է The Washington Post-ը։

Զելենսկու՝ Վաշինգտոն կատարած այցի արդյունքները գնահատվել են ամերիկյան լրատվամիջոցների մի քանի սյունակագիրների կողմից։

Հեղինակները ուշադրություն են հրավիրում Ուկրաինայի ռազմական կարիքների վերաբերյալ ԱՄՆ նախագահ Ջո Բայդենի և Զելենսկու տեսակետների տարբերության վրա։

Ենթադրվում է, որ «Ուկրաինայի նախագահը և նրա խորհրդականները շարունակում են պնդել, որ Վաշինգտոնն ուղարկի առաջադեմ զենքեր, որոնք Բայդենը չի ցանկանում տրամադրել»։

Չի բացառվում նաև, որ Զելենսկու նպատակն է եղել ստանալ «ավելի հզոր զենքեր և մեծացնել Ուկրաինայի կարողությունը խոշոր հարձակողական գործողություններ սկսելու համար»։

Իր հերթին ամերիկյան կողմը, այդ թվում՝ Բայդենը, սպասում էին քննարկումների դիվանագիտության և Ռուսաստանի հետ բանակցությունների հնարավորության շուրջ, հավելում է WP-ն։