Արևմուտքը երրորդ համաշխարհային պատերազմ չի ուզում. Բայդեն

ԱՄՆ-ն և հավաքական Արևմուտքը չեն ձգտում պատերազմի Ռուսաստանի հետ կամ Երրորդ համաշխարհային պատերազմի՝ Ուկրաինային զենք մատակարարելով։ Այս մասին հայտարարել է ԱՄՆ նախագահ Ջո Բայդենը ուկրաինացի գործընկեր Վոլոդիմիր Զելենսկու հետ Սպիտակ տանը կայացած բանակցություններից հետո համատեղ մամուլի ասուլիսի ժամանակ, գրում են միջազգային ԶԼՄ-ները։

Բայդենն ասել է, որ «եվրոպական դաշնակիցներին» բացատրել է, թե ինչու է նրանց ձեռնտու շարունակել աջակցել Ուկրաինային։ Արևմուտքում, ըստ Բայդենի, հասկանում են դա, բայց չեն ցանկանում ռազմական առճակատում Ռուսաստանի հետ։

Նրանք (Արևմուտքը.-խմբ.) չեն ցանկանում պատերազմ Ռուսաստանի հետ, նրանք չեն ցանկանում երրորդ համաշխարհային պատերազմ»,- ասել է Բայդենը՝ մեկնաբանելով Կիևին զենքի մատակարարման իրավիճակը։

Ավելի վաղ ԱՄՆ Պետդեպարտամենտը հայտարարել էր, որ ուկրաինական բանակի համար ռազմական մատակարարումների նոր փաթեթը ներառում է HARM հրթիռներ Patriot հակաօդային պաշտպանության համակարգի համար։