Patriot-ները դառնալու են Ուկրաինայում Ռուսաստանի թիրախը. Պեսկով

Ռուսաստանի նախագահի մամուլի քարտուղար Դմիտրի Պեսկովը լրագրողներին ասել է, որ ԱՄՆ-ից և այլ երկրներից Ուկրաինային զենքի մատակարարումը չի խանգարի Ռուսաստանին հասնել իր նպատակներին, և որ ամերիկյան Patriot զենիթահրթիռային համակարգերը Կիև առաքվելու դեպքում ​​կդառնան ռուս զինվորականների օրինական թիրախը, գրում է Gazeta- ն։

«Իհարկե, ինչպես նաև բոլոր այլ զինատեսակները, որոնք օգտագործվում են Ուկրաինայի զինված ուժերի կողմից։ Այդուհանդերձ, ապառազմականացումը հատուկ ռազմական գործողության նպատակներից մեկն է»,- լրագրողների հարցին ի պատասխան՝ ասել է նա։

Պեսկովի խոսքով՝ ԱՄՆ-ն և այլ երկրներ անընդհատ ընդլայնում են Ուկրաինային մատակարարվող զենքի տեսականին, ինչը երկարացնում է այս երկրի բնակիչների տառապանքը, բայց չի կարող խանգարել Ռուսաստանին հասնել հատուկ գործողության նպատակներին։