Զելենսկին չէր մեկնի Միացյալ Նահանգներ, եթե Ուկրաինայի զինված ուժերը հաջողություն ունենային. Bloomberg

Ուկրաինայի նախագահ Վոլոդիմիր Զելենսկին չէր մեկնի Միացյալ Նահանգներ, եթե Ուկրաինայի զինված ուժերը մարտադաշտում հաջողություն ունենային։ Այս մասին գրում է Bloomberg գործակալությունը։

Զելենսկին դեկտեմբերի 21-ին ժամանել է Վաշինգտոն՝ հանդիպելու ԱՄՆ նախագահ Ջո Բայդենի հետ։

Գործակալության տվյալներով՝ Ուկրաինայի առաջնորդը հերթական անգամ օգնություն է խնդրել Վաշինգտոնից՝ վախենալով «ռուսական թակարդներից», որոնք կարող են կանխել ուկրաինական հաջորդ հարձակումը։ Սա Մոսկվայի խաղաղության հայտ է, որը կոչված է՝ սառեցնելու հակամարտությունը, գրում է հոդվածի հեղինակը։

Ավելի վաղ The Telegraph-ի սյունակագիր Համիշ դե Բրետտոն-Գորդոնը կարծիք է հայտնել, որ Ուկրաինայի նախագահ Վոլոդիմիր Զելենսկու այցը Միացյալ Նահանգներ կարող է վկայել այն մասին, որ արևմտյան երկրները սկսել են վերանայել Կիևին օգնություն տրամադրելու իրենց քաղաքականությունը։