Զելենսկիին բացատրեք, որ ԱՄՆ օգնությունն էլ սահմաններ ունի. NBC

Հիմա ժամանակն է ԱՄՆ-ում այցով գտնվող Ուկրաինայի նախագահ Վոլոդիմիր Զելենսկիին ասելու, որ ամերիկյան օգնությունն էլ սահմաններ ունի, գրում է NBC News-ը։ Ըստ սյունակագիր Դանիել Դեպետրիսի՝ Վաշինգտոնը պետք է մատնանշի, որ ունի այլ առանցքային խնդիրներ, մասնավորապես՝ կանխել հակամարտությունը ՆԱՏՕ-ի անդամ երկրների տարածքում և կապ պահպանել Մոսկվայի հետ, որպեսզի իրավիճակը չհանգեցնի մեծ ճգնաժամի։

«Ամերիկացի քաղաքական գործիչները չեն կարող իրենց թույլ տալ կենտրոնանալ միայն Ուկրաինայի շահերի վրա, քանի որ նրանք ուղղում և իրականացնում են իրենց քաղաքականությունը՝ պաշտպանելու Ամերիկայի շահերը: Հաշվի առնելով այս առաջնահերթությունները՝ [ԱՄՆ նախագահ Ջո] Բայդենի վարչակազմը կնախընտրեր, որ Ուկրաինայում հակամարտությունն ավարտվի դիվանագիտական ​​կարգավորմամբ»,- ասվում է տեքստում։

Դեպետրիսի տեսանկյունից՝ Կիևին տրամադրվող օգնության «միասնությունն» իրականում այնքան էլ ուժեղ չէ՝ չնայած Սպիտակ տան պաշտոնական հայտարարություններին։ Նրա խոսքով՝ 2023 թվականին ԱՄՆ-ի և Ուկրաինայի շահերը կարող են լրջորեն տարբերվել։

«Զելենսկու հայտնվելը Կապիտոլիումի բլրի վրա և արժանացած ծափերի փոթորիկը առայժմ քողարկում են այս բոլոր տարբերությունները։ Բայց դրանք կարող են և պետք է բացվեն նոր տարում»,- ընդգծվում է հոդվածում։