Մոսկվայի և Երևանի ամուր կապերն օգնում են ՌԴ–ին հաղթահարել սահմանափակումները. Օվերչուկ
Տնտեսություն
Ռուսաստանի և Հայաստանի միջև ամուր կապերն օգնում են Մոսկվային հաղթահարել Ռուսաստանի տնտեսության վրա արևմտյան աննախադեպ սահմանափակումները։ Այս հայտարարությունն արել է ՌԴ փոխվարչապետ Ալեքսեյ Օվերչուկը Ռուսաստանի և Հայաստանի միջկառավարական հանձնաժողովի նիստում, հաղորդում է Sputnik-ը։
«Ռուսաստանը նախկինի պես շարունակում է մնալ Հայաստանի խոշորագույն առևտրային գործընկերը, ամուր կապերն օգնում են մեզ հաղթահարել արևմտյան երկրների կողմից մեր տնտեսության վրա աննախադեպ սահմանափակումները»,- ասել է նա։
Օվերչուկը հավելել է, որ կողմերը համագործակցում են նաև արդյունաբերության հարցերով երկկողմ խմբի շրջանակում, մեծ նշանակություն ունի նաև Ռուսաստան-Հայաստան գործարար խորհրդի ձևավորումը. Մոսկվան հուսով է, որ այդ խորհուրդն ակտիվ աշխատանք կտանի։
«Զարգացնում ենք նաև ներդրումային համագործակցությունը, ռուսական կուտակված ներդրումների ընդհանուր ծավալը գրեթե 40 տոկոս է կազմում` մոտ 2 միլիարդ ԱՄՆ դոլար»,- եզրափակել է նա։
Այսօր կայացել է Հայաստանի և Ռուսաստանի Դաշնության միջկառավարական հանձնաժողովի 21-րդ նիստը։ Հայկական պատվիրակությունը գլխավորել է փոխվարչապետ Մհեր Գրիգորյանը, ռուսականը՝ Ալեքսեյ Օվերչուկը։ Քննարկումներից հետո կողմերը ստորագրել են միջկառավարական հանձնաժողովի XXI նիստի ամփոփիչ արձանագրությունը։ Այնուհետև տեղի է ունեցել դիվանագիտական հարաբերությունների հաստատման 30-ամյակին նվիրված փոստային նամականիշերի մարման արարողությունը։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
