Կիևում օդային տագնապ է
Համաշխարհային Մամուլ
Դեկտեմբերի 24-ի ցերեկը Կիև քաղաքում և Կիևի մարզում օդային տագնապ է հայտարարվել։ Այս մասին հայտնել են Կիևի ռազմական վարչակազմում, ինչպես նաև Ուկրաինայի թվային փոխակերպման նախարարությունում, գրում է Gazeta-ն։
«Խնդրում ենք ուշադիր հետևել հաղորդագրություններին և ահազանգի դեպքում վերադառնալ ապաստարան»,- հայտարարել է Կիևի վարչակազմը Telegram-ի իր ալիքում։
Նախօրեին Ուկրաինայի Խարկովում, Վիննիցայում, Օդեսայում, Պոլտավայում, Կիրովոգրադում, Չերկասիում, Միկոլայի և Դնեպրոպետրովսկի մարզերում, ինչպես նաև Կիևի կողմից վերահսկվող Զապորոժյեի շրջանի հատվածում տագնապի ազդանշաններ են հնչել։
Հոկտեմբերի 10-ից Ռուսաստանի զինված ուժերը հարվածներ են հասցնում Ուկրաինայի ռազմական և էներգետիկ օբյեկտներին։ Սա պատասխան է, մասնավորապես, Ղրիմի կամրջի վրա տեղի ունեցած պայթյունին, ասել է ՌԴ նախագահ Վլադիմիր Պուտինը։
Ամենադիտված 
Մնաս բարյավ. Րաֆֆի Հովհաննիսյան
