Ուկրաինայում ռազմական գործողությունը Թուրքիային մոտեցնում է Ռուսաստանին․ WSJ

Ուկրաինայում իրականացվող հատուկ ռազմական գործողությունը Թուրքիային ավելի է մոտեցնում Ռուսաստանին։ Այդ մասին գրում է The Wall Street Journal-ը։

Հոդվածագիրը նշում է, որ Թուրքիայի նախագահ Ռեջեփ Թայիփ Էրդողանը խորացնում է կապերը Ռուսաստանի հետ՝ իր երկրի տնտեսությանը աջակցելու համար՝ անտեսելով Արեւմուտքի հակառուսական պատժամիջոցները։

The Wall Street Journal-ի հեղինակների կարծիքով՝ Թուրքիայի ղեկավարը Ռուսաստանի կարիքն ունի, քանի որ Թուրքիան լավ հարաբերություններ չունի ՆԱՏՕ-ի անդամների հետ։ Իր հերթին, ՌԴ նախագահ Վլադիմիր Պուտինը, լրագրողների կարծիքով, Թուրքիայի կարիքն ունի «աշխարհը բացելու համար, հատկապես՝ սեւծովյան տարածաշրջանից»։