Ռուսաստանն Ադրբեջանի հետ պայմանավորվել է ավելացնել գազի մատակարարումները

Ռուսաստանը պայմանավորվել է Ադրբեջանի հետ մեծացնել գազի մատակարարումները ներքին սպառման համար։ Ինչպես հաղորդում է APA-Economics-ը՝ ՏԱՍՍ-ին հղումով, այս մասին հայտարարել է ՌԴ փոխվարչապետ Ալեքսանդր Նովակը։

«Ադրբեջանի հետ կա պայմանավորվածություն՝ ավելացնելու մեր մատակարարումները, քանի որ նրանք դեռևս ունեն գազի դեֆիցիտ»,- ասել է Ալեքսանդր Նովակը։

Նոյեմբերի 15-ին «Գազպրոմը» նոր պայմանագրով սկսել է գազ մատակարարել Ադրբեջան։ Պայմանագրի համաձայն՝ մինչև 2023 թվականի մարտը Ռուսաստանի Դաշնությունը կմատակարարի 1 միլիարդ խորանարդ մետր գազ։ 2021 թվականին Ռուսաստանը և Ադրբեջանը պայմանավորվել են համագործակցել բնական գազի սեզոնային փոխանակման ոլորտում։ Համաձայնագիրը, որն ուժի մեջ է մինչև 2023 թվականը, նախատեսում է ամառային սեզոնին Ադրբեջանից Ռուսաստան գազի փոխադրում, ինչպես նաև ձմեռային սեզոնին Ռուսաստանից Ադրբեջան գազի համանման ծավալի ներմուծում։