Հռոմի պապ Ֆրանցիսկոսը խաղաղության կոչ է արել պատերազմից տուժած երկրներին

Հռոմի Պապ Ֆրանցիսկոսը կոչ է արել խաղաղություն հաստատել ընտանիքներում, կրոնական համայնքներում և պատերազմից տուժած երկրներում։ Այդ մասին նա հայտարարել է Վատիկանի Սուրբ Պետրոսի հրապարակում հավաքված հավատացյալներին դիմելով Սբ. Ստեֆան, փոխանցում է «ՌԻԱ Նովոստին»։

«Ես կրկնում եմ խաղաղության իմ մաղթանքը՝ խաղաղություն ընտանիքներում, խաղաղություն ծխական և կրոնական համայնքներում, խաղաղություն շարժումներում և միավորումներում, խաղաղություն պատերազմից տուժած մարդկանց համար, խաղաղություն սիրելի և տանջված Ուկրաինային», - ասել է նա։

Նախօրեին Հռոմի պապը Սուրբ Ծննդյան ուղերձում օրհնելով Urbi et Orbi-ին (լատիներենից թարգմանաբար՝ «քաղաք և աշխարհ»)՝ կոչ է արել վերջ տալ հակամարտություններին և դադարեցնել սովը: Նա նաև հավատացյալներին հորդորել է մտածել մարտերից տուժած ուկրաինացի երեխաների մասին։