ԱՄՆ-ն դեկտեմբերին ավելացրել է Սիրիայում ռազմական գործողությունների թիվը. WSJ

Դեկտեմբերին ԱՄՆ-ն մեծացրել է Սիրիայում «Իսլամական պետություն» միջազգային ահաբեկչական կազմակերպության դեմ գործողությունների թիվը։ Այս մասին հայտնում է The Wall Street Journal-ը։

Երկրի պաշտպանության նախարարության ներկայացուցիչը պարբերականին տված հարցազրույցում ասել է, որ այս ամիս իրականացվել է առնվազն 10 գործողություն, որոնց արդյունքում՝ նշված ահաբեկչական կազմակերպության զինյալները ձերբակալվել կամ լիկվիդացվել են։

Վաշինգտոնի Մերձավոր Արևելքի քաղաքականության ինստիտուտի ավագ գիտաշխատող Էնդրյու Թաբլերը նշել է, որ ահաբեկչական սպառնալիքը տարածաշրջանում աճել է տնտեսական խնդիրների և քաղաքական կարգավորման բացակայության հետևանքով։ Փորձագետի կարծիքով՝ Վաշինգտոնը մեծ ուշադրություն չի դարձնում տնտեսական հարցերին, փոխարենը հույսը դնում է ռազմական հարվածների վրա։

Միևնույն ժամանակ, WSJ-ում ելույթ ունեցած այլ վերլուծաբաններ կարծիք են հայտնել, որ միայն ռազմական գործողությունները չեն կարող կանգնեցնել ԴԱԻՇ-ի վերելքը։

Նոյեմբերին Reuters-ը, վկայակոչելով խմբավորման ներկայացուցիչներից մեկի Telegram-ալիքի աուդիո հաղորդագրությունը, հայտնել էր, որ սպանվել է «Իսլամական պետություն» ահաբեկչական խմբավորման առաջնորդ Աբու ալ Հասան ալ Հաշիմի ալ Քուրեյշին։

Ավելի ուշ ԱՄՆ զինվորականները հաստատել են ալ-Կուրեյշիի «ոչնչացման» փաստը՝ նշելով, որ գործողությունն իրականացրել են Սիրիայի ազատ բանակի ընդդիմադիր շարժման ուժերը։