Բայդենն ասել է, որ դաշնակիցները թույլ չեն տալիս ԱՄՆ-ին «ամեն ինչ անել» Ուկրաինային օգնելու համար․ Hill
Համաշխարհային Մամուլ
ԱՄՆ նախագահ Ջո Բայդենը, պատասխանելով ուկրաինացի լրագրողի՝ Կիևին Patriot հակաօդային պաշտպանության համակարգերի մատակարարման վերաբերյալ հարցին, ասել է, որ եվրոպացի դաշնակիցները թույլ չեն տալիս ԱՄՆ-ին առավելագույն աջակցություն ցուցաբերել Ուկրաինային և «անել հնարավոր ամեն ինչ», քանի որ վախենում են Ռուսաստանի հետ էսկալացիայից։ Այս մասին The Hill-ի հոդվածում գրում է Պենտագոնի նախկին պաշտոնյա Ջոզեֆ Բոսկոն։
Բայդենի և Ուկրաինայի նախագահ Վլադիմիր Զելենսկու համատեղ մամուլի ասուլիսի ժամանակ ուկրաինացի լրագրողը հիշեցրել է ամերիկացի նախագահին, որ ԱՄՆ-ն ի սկզբանե հրաժարվել էր Patriot մատակարարել Ուկրաինային, սակայն վերջերս համաձայնվել է համալիրը փոխանցել Կիևին։ Դրանից հետո լրագրողը հարցրել է պատճառների մասին, թե ինչու Ուկրաինային անհապաղ չի մատակարարվում այն ամենը, ինչ անհրաժեշտ է։
«Բայդենն ասաց, որ մեր եվրոպացի դաշնակիցները թույլ չեն տա Ամերիկային ամեն ինչ անել Ուկրաինային օգնելու համար՝ վախենալով Վլադիմիր Պուտինի հետ հետագա անտագոնիզմից»,- գրում է Բոսկոն:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
