Բելգիայում առաջարկել են մոլորակը փրկել մարդու մազերի օգնությամբ
Գիտություն և Մշակույթ
Բելգիայում առաջարկել են մարդու մազերի օգնությամբ մոլորակը թունավոր թափոններից փրկելու միջոց։ Hair Recycle նախագիծը սկսել է վարսավիրանոցներից մազեր հավաքել և դրանցից պատրաստել բնության համար օգտակար իրեր, գրում է Reuters-ը։
Ձեռնարկություններում մազերն օգտագործվում են խիտ մանրաթել ստեղծելու համար, որը հետագայում առաջարկվում է օգտագործել հեղուկից նավթը և ածխաջրածինները կլանելու կամ կենսաքայքայվող պարկեր ստեղծելու համար: Ըստ Hair Recycle-ի համաստեղծող Պատրիկ Յանսենի, մեկ կիլոգրամ մազը կարող է կլանել յոթից ութ լիտր յուղ և ածխաջրածիններ: Այն նաև շատ ամուր նյութ է. մեկ մազն ի վիճակի է պահել իր սեփականից տասը միլիոն անգամ գերազանցող քաշ: Բացի այդ, մարդու մազերը ջրում լուծվող են և առաձգական՝ շնորհիվ կազմի մեջ առկա կերատինային մանրաթելերի։
Նման նյութից պատրաստված գորգիկը կարող է տեղադրվել կոյուղու մեջ, որպեսզի վնասակար նյութերը մնան խողովակների մեջ և չներթափանցեն ջրամբարներ: Շրջակա միջավայրին օգնելու համար մարդու մազերի օգտագործման առավելությունը մասնագետներն անվանել են նյութի հասանելիությունը. ցանկացած վայրում կան վարսահարդարներ, ուստի հումքը պետք չէ տեղափոխել՝ աղտոտելով մոլորակը տրանսպորտային արտանետումներով:
Ամենադիտված 
ՀՀ ՊՆ–ն հայտարարություն է տարածել
