Եվրոպան 2023-ին կտրուկ գնաճի սպառնալիքի տակ է. FT

Եվրամիությունը (ԵՄ) 2023 թվականին գնաճի կտրուկ աճի սպառնալիքի տակ է՝ 2022 թվականին բալթյան երկրներում գների կտրուկ աճի ֆոնին։ Այս մասին հայտնում է Financial Times-ը։

Եվրոպայում գնաճը հասել է այն մակարդակի, որը վերջին անգամ եղել է մի քանի տասնամյակ առաջ։ Սակայն գների աճն այնպիսի երկրներում, ինչպիսիք են Էստոնիան, Լատվիան և Լիտվան, ավելի մեծ նախազգուշացում էին ԵՄ-ի համար: 2022 թվականի ամռանը այս տարածաշրջանում գնաճը գերազանցել է 20%-ը և դեռևս 21%-ից բարձր է։ Սա յուրօրինակ ահազանգ է դարձել ԵՄ մյուս երկրների համար, որտեղ ձմռանը և գարնանը գնաճը կարող է բարձր մնալ, քանի որ դրա վրա շարունակում է ազդել էներգակիրների գների աճը:

Մերձբալթյան փորձագետները նշել են, որ իրենց արևմտյան գործընկերները զարմացած են ռեկորդային գնաճի ֆոնին բողոքի ցույցերի բացակայությունից և նման հանգստությունից: Վերլուծաբանների կարծիքով, Բալթյան երկրներում գնաճն ավելի բարձր է նաև այն պատճառով, որ այս տարածաշրջանի բնակիչները միջինում ավելի քիչ են վաստակում, քան եվրոպական երկրների մեծ մասում։ Այսինքն՝ շահույթի հիմնական մասը ծախսվում է առաջին անհրաժեշտության ապրանքների վրա, որոնց գներն ամենաշատն են թանկացել։

Վերլուծաբանները հաշվարկել են, որ 2023 թվականին Եվրոպայում գնաճը 8-9 տոկոսից ցածր չի լինի։ Ընդ որում, նույնիսկ եթե էներգառեսուրսների գները ռեկորդային չբարձրանան, մյուս ապրանքները կշարունակեն թանկանալ՝ լրջորեն գերազանցելով Եվրոպական կենտրոնական բանկի ցուցանիշները առնվազն 2%-ով։