Ռուսական գազի արտահանումը հասել է դարասկզբից ի վեր ամենացածր մակարդակին. Bloomberg

Ռուսական գազի արտահանումը Եվրոպա հասել է դարասկզբից ի վեր ամենացածր մակարդակին, գրում է Bloomberg-ը։ Գործակալությունը նման գնահատական ​​է տալիս՝ հիմնվելով «Գազպրոմի» գլխավոր տնօրեն Ալեքսեյ Միլլերի տվյալների վրա, որոնք տրված են ընկերության Telegram ալիքում։ Տարվա ընթացքում արտահանման մատակարարումները կրճատվել են գրեթե երկու անգամ։

«Գազպրոմի» մատակարարումները Եվրոպա՝ պատմականորեն նրա ամենամեծ արտահանման շուկա, արդեն մի քանի ամիս է, ինչ նվազում է: Ընդհանուր առմամբ՝ ընկերությունն առաքել է 100,9 միլիարդ խորանարդ մետր գազ դեպի այն երկրներ, որոնք ԱՊՀ կազմում չեն: Սա 46%-ով պակաս է, քան մեկ տարի առաջ։ Միլլերի խոսքով՝ 2022 թվականին գազի արդյունահանումը կրճատվել է մինչև 412,6 միլիարդ խորանարդ մետրով։ Ընկերության տվյալներով՝ սա 2021 թվականի համեմատ գրեթե 20%-ով նվազում է։ Սա 2008 թվականից ի վեր ամենացածր մակարդակն է, նշում է Bloomberg-ը։

Գործակալությունը հիշեցնում է, որ գազատարներով եվրոպական երկրներ գազի փոխադրման գրեթե բոլոր հիմնական երթուղիները ինչ-որ կերպ խախտվել կամ անջատվել են այն բանից հետո, երբ եվրոպական երկրները հրաժարվեցին գազի դիմաց վճարել ռուբլով։ Այժմ գազը Եվրոպա է մատակարարվում միայն Ռուսաստանի և Ուկրաինայի սահմանային անցակետերից մեկով և «Թուրքական հոսք» գազատարի մեկ ճյուղով՝ Թուրքիայով դեպի Հունգարիա և Սերբիա։