Ողջ մարդկության մեկ ութերորդն ապրում է հակամարտող երկրներում

Արժույթի միջազգային հիմնադրամի գործադիր տնօրեն Քրիստալինա Գեորգիևան Twitter-ում հայտնել է, որ մոլորակի վրա կա ավելի քան 40 անկայուն և հակամարտություններով լի երկրներ, որտեղ ապրում է մեկ միլիարդ մարդ, գրում է РИА Новости-ն։

«Ավելի քան 40 փխրուն և հակամարտություններով լի երկրներում ապրում է 1 միլիարդ մարդ», - գրել է նա:

Արժույթի միջազգային հիմնադրամի ղեկավարը հավելել է, որ 2022 թվականին «բոլոր հայացքները» ուղղված էին ուկրաինական հակամարտության վրա, թեև աշխարհում ավելի շատ մարդիկ կան, ովքեր ապրում են ռազմական գործողությունների դժվարությունները։

Ինչպես հայտնի է, նոյեմբերի 15-ին Հայաստանում ծնված աղջիկը դարձավ մոլորակի ութ միլիարդերորդ բնակիչը։

Միավորված ազգերի կազմակերպությունը հայտարարել է, որ ընդամենը 12 տարվա ընթացքում աշխարհի բնակչությունը յոթից հասել է ութ միլիարդի: Փորձագետները կանխատեսում են, որ 14,5 տարի հետո մոլորակի վրա կապրի ինը միլիարդ մարդ։