Նիկոլ Փաշինյանի հերթական «աննախադեպ» ցուցանիշը՝ քաղաքացիների թալանի հաշվին

Եթե ամփոփում ենք մեր ֆինանսական, բանկային համակարգի արդյունքները, ըստ էության, կարող ենք արձանագրել, որ աննախադեպ տարի ունենք. բոլոր ցուցանիշներով աճերն այնպիսին են, որոնք կարելի է բնութագրել մեկ բառով՝ աննախադեպ Երրորդ հանրապետության պատմության մեջ: Այս մասին այսօր հայտարարել էր վարչապետ Նիկոլ Փաշինյանը Կենտրոնական բանկում Ամանորի եւ Սուրբ Ծնունդի առթիվ կազմակերպված ընդունելությանը: Նիկոլ Փաշինյանի փոխանցմամբ՝ տարին աննախադեպ է նաեւ բանկային համակարգի շահույթների իմաստով: Այս տարի բանկային համակարգը շուրջ 187 միլիարդ դրամի շահույթ է գեներացրել:

Հիշեցնենք, որ ժամանակին Նիկոլ Փաշինյանը ոչ միայն աննախադեպ չէր բնութագրում բանկերի շահույթների ավելացումը, այլ մի բան էլ դա անվանում էր ժողովրդի գրպանը մտնել, թալան և այլն:

Դե իսկ այժմ պարզվում է, որ բանկերը ոչ թե տոնոսներով խեղդում են քաղաքացիներին, այլ պարզապես Փաշինյանի համար հերթական աննախադեպ ցուցանիշներն են ապահովում, որոնցով վերջինս կկարողանա տարեվերջին հպարտանալ՝ այդ նույն քաղաքացիների առաջ: Մինչդեռ գաղտնիք չէ, որ այս տարի բանկերը իսկապես մտել են քաղաքացիների գրպանները, տեղի են ունեցել վարկերի տոկոսադրուքների չհիմնավորված բարձրացումներ, պահումներն արտերկրից կատարվող տրանսֆերտներից հասել են 2-3 տոկոսի, ինչը բացահայտ թալան է, թալան, որը սակայն Փաշինյանն այլևս չի նկատում կամ չի ցանկանում նկատել: