Կենսաբանները «հակաօքսիդանտ» բակտերիա են հայտնաբերել չինացի երկարակյաց բնակիչների աղիներում

Գուանչժոուի մանրէաբանության ինստիտուտի գիտնականները պարզել են, որ չինացի հարյուրամյա բնակիչների աղիներում տարածված են հակաօքսիդանտ նյութեր արտազատող բակտերիաներ: Հետազոտությունը հրապարակված է npj Biofilms Microbiomes ամսագրում:

Գիտնականները վերլուծել են երբեմն «երկարակյացների քաղաք» կոչվող Ցզյաոլինի 247 առողջ բնակիչների աղիների միկրոբիոմների բաղադրությունը: Ծրագրի մասնակիցներից 18-ը 100-ից բարձր էին, իսկ 19-ը՝ 81-ից 99 տարեկան:

Կենսաբանները մասնակիցների կղանքի նմուշներում հայտնաբերել են 107 ընտանիքի պատկանող բակտերիաներ: 80 տարեկանից բարձր մարդկանց մոտ ավելին է եղել Lactobacillus, Akkermansia, Methanobrevibacter, Roseburia տեսակների բակտերիաների թիվը։

Գիտնականները նաև բնութագրել են աղիքային բակտերիաների ամենաակտիվ գեները, որոնք հիմնականում կապված են հակաօքսիդանտ նյութերի արտադրության հետ։ Նրանք պարզել են, որ կենդանիների մեջ Lactobacillus plantarum 124-ի առավել «հակաօքսիդանտ» շտամի ներստամոքսային ընդունման դեպքում նվազում են լյարդում և երիկամներում օքսիդատիվ սթրեսի նշանները: