ԱՄՆ մոտեցումը հակամարտությանը հանգեցնում է Ուկրաինայի հյուծմանը. Ուեսլի Քլարկ

Եվրոպայի դաշնակից ուժերի նախկին գլխավոր հրամանատար, պաշտոնաթող ամերիկացի գեներալ Ուեսլի Քլարկը հայտարարել է, որ ԱՄՆ մոտեցումը Ուկրաինայի հակամարտության նկատմամբ կհանգեցնի Կիևի աստիճանական արյունահոսությանը: Այս մասին հայտնում է РИА Новости-ն։

«Այս գործընթացի ընթացքում, ռազմական լեզվով ասած, մենք արյունահոսության են մղում Ուկրաինային։ Նրանք լուրջ կորուստներ են կրում»,- ասել է Քլարկը ԱՄՆ-Ուկրաինա հիմնադրամի կողմից կազմակերպված առցանց կոնֆերանսի ժամանակ։

Նախկին զինվորականի խոսքով՝ ուկրաինացիները զրկվում են ամենակարևոր ենթակառուցվածքից, արդյունաբերական ներուժից, պետության ֆինանսական հիմքից, և դրան նպաստում է ԱՄՆ-ը։

Ինչպես նշել է գեներալը, ԱՄՆ-ի և Ուկրաինայի շահերը տարբեր են, քանի որ Կիևը ցանկանում է վերականգնել տարածքները, իսկ Վաշինգտոնը ցանկանում է խուսափել Ռուսաստանի և ՆԱՏՕ-ի միջև հակամարտությունից։

«Մենք Միացյալ Նահանգներում ցանկանում ենք կայունացնել իրավիճակը, նվազագույնի հասցնել ՆԱՏՕ-ի և Ռուսաստանի միջև հակամարտության ռիսկերը, Ուկրաինայի թիկունքում հնարավորինս շատ տարածքներ պահել՝ առանց երրորդ համաշխարհային պատերազմ սկսելու», - ընդգծել է նա։

Քլարկը նաև նշել է, որ ռուսական կործանիչները փոխում են իրավիճակը մարտադաշտում և զգալիորեն մեծացնում են պաշտպանությունը, ինչը չի կարող չազդել հակամարտության բնույթի վրա։